სსიპ-გორის უნივერსიტეტის პრაქტიკული სამართლის კლინიკის მიერ 2009 წლის 23 დეკემბერს უნივერსიტეტის მე-5 კორპუსში ჩატარდა სამართლის ვიქტორინა, რომელშიც მონაწილეობა მიიღეს გორის #1, 5, 7, 8 და 12 საჯარო სკოლის მე-9-მე-12 კლასის მოსწავლეებისაგან შექმნილმა ხუთმა გუნდმა. სამართლის ვიქტორინაში მონაწილეობის მისაღებად შეირჩა ის სკოლები, სადაც 2009 წლის განმავლობაში სსიპ-გორის უნივერსიტეტის პრაქტიკული სამართლის კლინიკის მიერ ამერიკის იურისტთა ასოციაციის ფინანსური და ტექნიკური მხარდაჭერით მიმდინარეობდა პრაქტიკული სამართლის სწავლება სამართლის სხვადასხვა საკითხებზე.
სამართლის ვიქტორინა შედგებოდა სამი ეტაპისაგან. თითოეულ ეტაპზე სკოლის მოსწავლეებს ეძლეოდათ სხვადასხვა სიძლიერის კითხვები. ვიქტორინაზე გამარჯვებულად გამოვლინდა მე-12 საჯარო სკოლა. გამარჯვებულ სკოლას გორის უნივერსიტეტის რექტორმა ზაზა ცოტნიაშვილმა გადასცა საჩუქარი, ასევე საჩუქრები გადაეცათ გამარჯვებული სკოლის თითოეულ მოსწავლეს.