23–31 იანვარს იტალიაში, ქ. ფლორენციაში გაიმართა კონფერენცია – „უფროსი თაობის შეცდომები და მომავალი თაობის როლი კონფლიქტების მოგვარების საქმეში“. მასში მონაწილეობდნენ გორის უნივერსიტეტის წარმომადგენლები.
25 იანვარს ხელი მოეწერა მემორანდუმს გორის უნივერსიტეტსა და რომუალდო დელ ბიანკოს ფონდს შორის, რომელიც უნივერსიტეტის თანამშრომლებსა და სტუდენტებს შესაძლებლობას მისცემს, მომავალში აქტიურად ჩაებან საერთაშორისო კონფერენციებსა და სემინარებში.
მსმენელებს შორის დიდი ინტერესი გამოიწვია პროფ. ზ. ცოტნიაშვილის მოსხენებამ – „რუსული პოლიტიკა საქართველოში – წარსული, აწმყო და მომავალი“.
მოხსენებისათვის – „აგვისტოს ომი და ჩემი ქალაქი“ და ვორკშოპში აქტიური მონაწილეობისათვის სერტიფიკატით დაჯილდოვდა სტუდენტი ნათია ბეჟანიშვილი.
ფონდის პრეზიდენტ პაოლო დელ ბიანკოსა და გორის უნივერსიტეტის რექტორს შორის წინასწარი შეთანხმებით, გორის უნივერსიტეტის სტუდენტებს მიეცემათ საშუალება, იტალიის წამყვან უნივერსიტეტებში გაიარონ მოკლევადიანი სასწავლო პროგრამები.