სსიპ-გორის სახელმწიფო უნივერსიტეტის
პროფესორ-მასწავლებელთა სამეცნიერო კონფერენცია

29 ივნისი, 2023

აპლიკაციის ფორმა

      გაცნობებთ, რომ 2023 წლის 29 ივნისს ჩატარდება გორის სახელმწიფო უნივერსიტეტის პროფესორ-მასწავლებელთა სამეცნიერო კონფერენცია.
კონფერენცია ტარდება შემდეგი სექციების მიხედვით:
       ა) ეკონომიკა, ბიზნესის ადმინისტრირება და ტურიზმი;
       ბ) სოციალური მეცნიერებები, სამართალი და საჯარო მმართველობა;
       გ) ლიტერატურა;
       დ) ლინგვისტიკა;
       ე) ისტორია;
       ვ) განათლება;
       ზ) მათემატიკა და ინფორმაციული ტექნოლოგიები;
       თ) საბუნებისმეტყველო მეცნიერებები და სპორტი.
       კონფერენციაში მონაწილეობის მიღება შეუძლიათ უნივერსიტეტის პერსონალის წარმომადგენლებს.
კონფერენციაში მონაწილეობის მსურველებმა 2023 წლის 09 ივნისის ჩათვლით ელექტრონული ფოსტის მისამართზე goriuniversityconference@gmail.com უნდა წარმოადგინონ:
   ა) პირადი მონაცემების (აპლიკაციის) შევსებული ფორმა (აპლიკაციის ფორმა ჩამოტვირთეთ ვებგვერდიდან);
       ბ) სამეცნიერო ნაშრომი.
საკონფერენციო სამეცნიერო ნაშრომი წარმოდგენილი უნდა იყოს ელექტრონული სახით შემდეგი მოთხოვნების დაცვით: ნაშრომი შეიძლება წარმოდგენილი იყოს ქართულ ან უცხოურ (ინგლისურ, რუსულ ან გერმანულ) ენაზე Microsoft Word-ის დოკუმენტის სახით; ქართულენოვანი ნაშრომისათვის სავალდებულოა Sylfaen შრიფტის, ხოლო უცხოურენოვანი ნაშრომისათვის Times New Roman შრიფტის გამოყენება; შრიფტის ზომა 11 (გარდა სათაურისა, შრიფტის ზომა სათაურისთვის 12), ინტერვალი 1,5; გვერდის პარამეტრები: დაშორება ზემოდან, ქვემოდან, მარჯვნიდან, მარცხნიდან 2 სმ. ნაშრომს თან უნდა ახლდეს გამოყენებული ლიტერატურის ჩამონათვალი და რეზიუმე ინგლისურ ენაზე; რეზიუმე უნდა მოიცავდეს არაუმეტეს 300 სიტყვას; ნაშრომის მოცულობა რეზიუმესა და გამოყენებული ლიტერატურის ჩამონათვალის ჩათვლით არ უნდა აღემატებოდეს A4 ფორმატის 10 ნაბეჭდ გვერდს.