2014 წლის 21 ივნისს გორის სახელმწიფო სასწავლო უნივერსიტეტის ჰუმანიტარული ფაკულტეტის 50-მდე სტუდენტი, ფაკულტეტის დეკანი, პროფესორ-მასწავლებლები და თანამშრომლები უნივერსიტეტის დაფინანსებით იმყოფებოდნენ ისტორიულ მესხეთში, სადაც მოინახულეს კლდეში ნაკვეთი ციხე-ქალაქი ვარძია, აწყურის, ხერთვისისა და თმოგვის ციხეები, ახალციხის ისტორიულ-ეთნოგრაფიული მუზეუმი და რაბათის კომპლექსი.

სტუდენტებმა დიდი ყურადღებითა და ინტერესით დაათვალიერეს მესხეთის სიძველეები, გამოთქვეს სურვილი მსგავსი ექსკურსიების მოწყობის შესახებ და მადლიერება გამოხატეს უნივერსიტეტის ხელმძღვანელობის მიმართ ექსკურსიის ორგანიზებისა და ხელშეწყობისათვის.