2014 წლის 24 ივნისს გორის სახელმწიფო სასწავლო უნივერსიტეტში  სამართალმცოდნეობის და საჯარო მმართველობის სპეციალობათა სტუდენტებმა სამოქალაქო განათლების კურსის - ,,დემოკრატია და მოქალაქეობა“ - ფარგლებში განხორციელებული პროექტების პრეზენტაცია გამართეს.

საგანმანათლებლო კურსი ,,დემოკრატია და მოქალაქეობა“ ორი სასწავლო წელია,  წარმატებით ხორციელდება გორის სახელმწიფო სასწავლო უნივერსიტეტში IFES-თან გაფორმებული ურთიერთანამშრომლობის მემორანდუმის საფუძველზე, რაც მიზნად ისახავს როგორც დემოკრატიული პროცესების განვითარების ხელშეწყობას, ისე სტუდენტების ჩართულობის გაზრდას საზოგადოებრივი ცხოვრების ამა თუ იმ სფეროში. კურსს უძღვებიან მარიამ ინდუაშვილი და იოსებ გაბარაევი.