2014 წლის 20 მარტს გორის სახელმწიფო სასწავლო უნივერსიტეტს ეწვია გაერთიანებული ერების ორგანიზაციის ლტოლვილთა უმაღლესი კომისარიატის სპეციალური წარმომადგენელი, მისი აღმატებულება სიმონე უოლკენი და მრჩეველი საზოგადოებასთან ურთიერთობების საკითხებში ნინო ქაჯაია. შეხვედრა გაიმართა გორის სახელმწიფო სასწავლო უნივერსიტეტის რექტორთან, პროფესორ დოქტორ გიორგი სოსიაშვილთან, სადაც მხარეებმა განიხილეს ურთიერთანამშრომლობის პერსპექტივები და ასევე, იმსჯელეს მიმდინარე წლის ზაფხულში საერთაშორისო საზაფხულო სკოლის ერთობლივ ორგანიზების თაობაზე. შეხვედრის დასრულების შემდეგ ქალბატონმა სიმონე უოლკენმა გამართა საჯარო ლექცია გორის სახელმწიფო სასწავლო უნივერსიტეტის სტუდენტებთან თემაზე „გაეროს ლტოლვილთა უმაღლესი კომისარიატის წარმომადგენლობის საქმიანობა საქართველოში“.