2023 წლის 10 მაისს, გორის სახელმწიფო უნივერსიტეტში გაიმართა "ჰორიზონტ ევროპის" საინფორმაციო დღე.
შეხვედრა გახსნა გორის სახელმწიფო უნივერსიტეტის რექტორმა, პროფესორმა გიორგი სოსიაშვილმა, რომელმაც მადლობა გადაუხადა საქართველოს განათლებისა და მეცნიერების სამინისტროს და „ჰორიზონტ ევროპის“ ეროვნულ ოფისს გორის უნივერსიტეტის საუნივერსიტეტო-საგრანტო ოფისის მხარდაჭერისა და აქტიური თანამშრომლობისთვის.
საინფორმაციო შეხვედრას უძღვებოდნენ: ნინო ინასარიძე - "ჰორიზონტი ევროპა" საქართველოს ეროვნული ოფისის ხელმძღვანელი, ეროვნული საკონტაქტო პირების კოორდინატორი, ლუკა ქემოკლიძე - "ჰორიზონტი ევროპა" საქართველოს ეროვნული ოფისის ხელმძღვანელის მოადგილე და კოორდინატორი საპარტნიორო მიმართულებით, ნინო როდონაია - ეროვნული საკონტაქტო პირი, თეონა მაისურაძე - ეროვნული საკონტაქტო პირი, ელენე ჩერქეზია - ეროვნული საკონტაქტო პირი.
შეხვედრაზე წარმოდგენილი იყო პრეზენტაციები სხვადასხვა აქტუალური და დეტალური ინფორმაციით „ჰორიზონტი ევროპის“ ჩარჩო პროგრამასა და მასში მონაწილეობის შესახებ.
საინფორმაციო შეხვედრას ესწრებოდნენ გორის უნივერსიტეტის პროფესორ-მასწავლებლები და გორის სახელმწიფო უნივერსიტეტის საუნივერსიტეტო-საგრანტო ოფისის „ჰორიზონტი ევროპის“ კოორდინატორი, გიორგი მღებრიშვილი.
პრეზენტაციების შემდეგ შეხვედრა გაგრძელდა კითხვა-პასუხის და დისკუსიის რეჟიმში.