მიმდინარე სასწავლო წელს გორის უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის ინიციატივით ჩატარდა მათემატიკური ოლიმპიადა გორის სკოლებს შორის ,,იპოვე შენი მომავალი მათემატიკაში“.
პროექტი მიზნად ისახავდა მათემატიკის პოპულარიზაციას მოსწავლეებში. პროექტი ორ ეტაპად განხორციელდა. მასში მონაწილეობა მიიღო ქალაქის ყველა სკოლის მე-9 და მე-10 კლასის ორმოცმა მოსწავლემ. დასკვნით ეტაპზე გამოვლინდნენ გამარჯვებულები.
დაჯილდოების საზეიმო ცერემონიალი გაიმართა 31 მაისს გორის უნივერსიტეტში. მონაწილეებს და გამარჯვებულებს მიესალმნენ და წარმატებები უსურვეს გორის უნივერსიტეტის რექტორმა, პროფესორმა გიორგი სოსიაშვილმა და ფაკულტეტის დეკანმა, პროფესორმა დავით ჩოჩიშვილმა.
ოლიმპიადის ყველა მონაწილეს, მათ შორის პედაგოგებსა და სკოლების დირექტორებს გადაეცათ სიგელები. გამარჯვებულ მოსწავლეებს სიგელებთან ერთად გადაეცათ სამახსოვრო საჩუქრები გორის უნივერსიტეტისაგან.