2014 წლის 10 აპრილს, გორის სახელმწიფო სასწავლო უნივერსიტეტს ეწვია საქართველოში ნატოს სამეკავშირეო ოფისის ხელმძღვანელი, ბატონი უილიამ ლაჰიუ, რომელმაც ნატოს კვირეულის ფარგლებში  გამართა საჯარო ლექცია/დისკუსია  ნატო-საქართველოს ურთიერთობების შესახებ.

ბატონმა უილიამ ლაჰიუმ ისაუბრა საქართველოს ნატოში გაწევრიანების პერსპექტივებზე და ასევე, განიხილა საქართველოში სამხედრო, პოლიტიკურ და სამოქალაქო სექტორებში გატარებული რეფორმები.

ლექციის დასასრულს შეხვედრა წარიმართა კითხვა-პასუხის რეჟიმში. სტუმარმა უპასუხა უნივერსიტეტის ადმინისტრაციის პერსონალისა და სტუდენტთა მიერ დასმულ შეკითხვებს და შეკითხვის ავტორები დააჯილდოვა სიმბოლური საჩუქრებით.