მიმდინარე წლის 22 დეკემბერს, გორის სახელმწიფო უნივერსიტეტში, გაიმართა გორის უნივერსიტეტის პროფესორ ალექსანდრე იაშვილის 80 წლის საიუბილეო ღონისძიება.
შეხვედრა გახსნა გორის სახელმწიფო უნივერსიტეტის რექტორმა, პროფესორმა ალექსანდრე მღებრიშვილმა, რომელმაც მიულოცა ბატონ ალექსანდრე იაშვილს საიუბილეო თარიღი, უსურვა ჯანმრთელობა და შემდგომი წარმატებები, ხაზი გაუსვა მის დამსახურებებს გორის უნივერსიტეტის წინაშე. მისალოცი სიტყვის დასასრულს, ბატონმა რექტორმა, აკადემიური საბჭოს გადაწყვეტილებით, გორის სახელმწიფო უნივერსიტეტის განვითარებასა და წარმოჩინებაში შეტანილი განსაკუთრებული წვლილისთვის, ალექსანდრე იაშვილი დააჯილდოვა გიორგი ხარაულის სახელობის მედლით და საპატიო სიგელით.
ალექსანდრე იაშვილს 80 წლის იუბილე მიულოცა გორისა და კასპის მაჟორიტარმა დეპუტატმა, გორის სახელმწიფო უნივერსიტეტის პროფესორმა გიორგი სოსიაშვილმა, რომელმაც ხაზი გაუსვა მის მრავალწლიან მოღვაწეობას გორის უნივერსიტეტში, დაუღალავ შრომას და სტუდენტების მიმართ განსაკუთრებულ მზრუნველობას.
მისალოცი სიტყვები წარმოთქვეს: გორის უნივერსიტეტის ადმინისტრაციის ხელმძღვანელმა, პროფესორმა გიორგი ხორბალაძემ; განთლების, ზუსტ და საბუნებისმეტყველო ფაკულტეტის დეკანმა, პროფესორმა ლელა ალექსიძემ. პროფესორებმა: ლაურა ელიაურმა, თინათინ იოსებიძემ, დავით ჩოჩიშვილმა, ლევან მიდოდაშვილმა, პაატა ქურდაძემ. ასისტენტ-პროფესორმა გიორგი მძინარაშვილმა, მოწვეულმა სპეციალისტმა ალექსანდრე გობირახაშვილმა. გორის უნივერსიტეტის კურსდამთავრებულმა მარიამ მაზანაშვილმა, პოეტმა ჯემალ ინჯიამ და იუბილარის მეგობარმა ჯემალ ძიძიგურმა.
საიუბილეო ღონისძიებას მუსიკალურად აფორმებდნენ გორის უნივერსიტეტის სტუდენტები: გვანცა და სალომე გვიმრაძეები, ანა ჩადუნელი, ნინო ბეგლარაშვილი.
ღონისძიებას უძღვებოდნენ გორის სახელმწიფო უნივერსიტეტი სტუდენტები: ნია შატაკიშვილი და ჯული როსტომაშვილი.