2014 წლის 20 თებერვალს, გორის სახელმწიფო სასწავლო უნივერსიტეტში ჩატარდა საინფორმაციო შეხვედრა დამსაქმებლებთან, სადაც განხილულ იქნა გორის სახელმწიფო სასწავლო უნივერსიტეტის მიღწევები და  შიდა ქართლის შრომითი ბაზრის კვლევის შედეგები. შეხვედრა გახსნა გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა, უნივერიტეტის მიერ განხორციელებული კვლევების პრეზენტაციები წარმოადგინეს ადამიანური რესურსების მართვის სამსახურის უფროსმა იოსებ ალიმბარაშვილმა და სტრატეგიული განვითარების, საერთაშორისო და საზოგადოებასთან ურთიერთობის სამსახურის უფროსმა ანა იმნაძემ. უნივერსიტეტში განხორციელებული პროგრამების შესახებ ისაუბრა ხარისხის უზრუნველყოფის სამსახურის უფროსმა ლევან მიდოდაშვილმა. დამსწრე საზოგადოებას სიტყვით მიესალმნენ შიდა ქართლის გუბერნატორი ბატონი ზურაბ რუსიშვილი, გორის ისტორიულ-ეთნოგრაფიული მუზეუმის დირექტორი ქალბატონი თინა სოსანიძე, უფლისციხის მუზეუმ-ნაკრძალის დირექტორი ბატონი ირაკლი მირუაშვილი, პრივატ ბანკის გორის ფილიალის მმართველი ბატონი ზურაბ სტეფანიშვილი.                                          

      საკუთარ მიღწევებზე ისაუბრეს გორის უნივერსიტეტის წარმატებულმა სტუდენტებმა -თამთა კაპანაძემ და ქეთევან ფერაძემ, რომლებმაც  მადლობა გადაუხადეს უნივერსიტეტს და დამსაქმებლებს  გაწეული ღვაწლისათვის.

    შეხვედრის ბოლოს გაფორმდა ურთიერთთანამშრომლობის მემორანდუმები ათ ორგანიზაციასთან.