2015 წლის 22 ივლისს ჩატარდა გორის სახელმწიფო სასწავლო უნივერსიტეტის პროფესორ-მასწავლებელთა სამეცნიერო კონფერენცია. კონფერენცია გახსნა და  მონაწილეებს წარმატებები უსურვა რექტორის მოადგილემ, პროფესორმა ალექსანდრე მღებრიშვილმა. კონფერენციის მონაწილეებს მიესალმნენ აგრეთვე ადმინისტრაციის ხელმძღვანელი,  პროფესორი გიორგი ხორბალაძე და ხარისხის უზრუნველყოფის სამსახურის სამეცნიერო მიმართულების მთავარი სპეციალისტი გიორგი ყაზიშვილი. კონფერენციაზე მუშაობა წარიმართა შემდეგი სექციების მიხედვით: „განათლება“, „ზუსტი და საბუნებისმეტყველო მეცნიერებები“, „ბიზნესი და მართვა“, „სოციალური მეცნიერებანი და სამართალი“, „ფილოლოგია“, „ისტორია“. კონფერენციის პროგრამით წარმოდგენილი გახლდათ 35 მოხსენება.