მიმდინარე წლის 20 მარტს ჩატარდა სამუშაო შეხვედრა აკადემიურ და მოწვეულ პერსონალთან საგანმანათლებლო პროგრამების განვითარების საკითხებთან დაკავშირებით კლასტერული აკრედიტაციის თავისებურებათა გათვალისწინებით. გაანალიზდა განსხვავება ინდივიდუალურ და კლასტერულ აკრედიტაციას შორის, განხილულ იქნა სათანადო სამართლებრივი დოკუმენტები.
ხაზი გაესვა კლასტერული აკრედიტაციის მოთხოვნების გააზრებისა და პროგრამების განვითარებაში მათი ინტეგრირების აუცილებლობას, მათ შორის პროგრამის მიზნების და სწავლის შედეგების სწორად ჩამოყალიბებას და რესურსების ეფექტიან გამოყენებას კლასტერში. შეხვედრას უძღვებოდნენ სასწავლო პროცესის მართვის სამსახურის უფროსი ც. დურული და ხარისხის უზრუნველყოფის სამსახურის ხელმძღვანელი ლ. მიდოდაშვილი. შეხვედრის დასასრულს პასუხი გაეცა დამსწრეთა მრავალრიცხოვან შეკითხვებს.