2025 წლის 7 და 10 ივლისს, გორის სახელმწიფო უნივერსიტეტში პროფესორ-მასწავლებლების, ადმინისტრაციული და დამხმარე პერსონალის მონაწილეობით, გაიმართა შრომის უსაფრთხოების ტრენინგი. ღონისძიება ორგანიზებული იყო უნივერსიტეტის დაცვისა და შრომის უსაფრთხოების სამსახურის მიერ. ტრენერებად მოწვეულნი იყვნენ ზაქარია დოთიაშვილი და მარიამ არხოშაშვილი.

ტრენინგის ფარგლებში განხილულ იქნა შემდეგი მნიშვნელოვანი თემები:

• შრომის უსაფრთხოების სამართლებრივი ნორმები
• სამუშაო სივრცეში არსებული საფრთხეების იდენტიფიცირება და კონტროლის მექანიზმები
• ერგონომიკის პრინციპები
• ეკრანიან მოწყობილობებთან მუშაობის რეკომენდაციები
• ვარდნის პრევენციის ღონისძიებები
• ინდივიდუალური დაცვის საშუალებების ეფექტური გამოყენების პროცედურები
• ელექტრო უსაფრთხოება და ინსტრუმენტების მოხმარების წესები
• უსაფრთხოების მარეგულირებელი ნიშნების ფუნქცია და მნიშვნელობა
• სახანძრო უსაფრთხოების საკითხები და საგანგებო სიტუაციების დროს მოქმედების გეგმა

ტრენინგის დასასრულს გაიმართა დისკუსია, სადაც მონაწილეები აქტიურად ჩაერთვნენ შრომის უსაფრთხოების სფეროში არსებული გამოწვევების განხილვასა და მათი მოგვარების შესაძლებლობების შეფასებაში.