გორის უნივერსიტეტში საგანმანათლებლო პროცესთან ერთად აქტიურად მიმდინარეობს სტუდენტთა შემოქმედებითი ცხოვრება. სტუდენტებისთვის უფასოდ ფუნქციონირებს სხვადასხვა შემოქმედებითი წრეები და სპორტული კლუბები.
გორის უნივერსიტეტის მაქსიმალურად ცდილობს ხელი შეუწყოს სტუდენტებს, რათა მათ შეძლონ საკუთარი პოტენციალის მაქსიმალურად გამოვლენა.
ასეთი სტუდენტებისთვის, რომლებსაც საუნივერსიტეტო ცხოვრებაში მნიშვნელოვანი წვლილი შეაქვთ, უნივერსიტეტმა მოაწყო ზამთრის ბანაკი 2018, დაბა ბაკურიანში, რომელიც მიმდინარეობდა 18 თებერვლიდან 20 თებერვლის ჩათვლით. ბანაკში გაერთიანებული იყო ესტრადის, მუსიკალური ბენდის, ქართული ხალური სიმღერისა და ცეკვის ანსამბლი, სტუდენტური თეატრი, მხიარულთა და საზრიანთა კლუბი, ასევე სტუდენტ ფოტოგრაფთა კლუბი. ჯამში ზამთრის ბანაკი 2018-ში მონაწილეობა მიიღო 40-მდე სტუდენტი.
ბანაკის მიმდინარეობისას სტუდენტები სხვადასხვა კულტურული, სპორტული და შემოქმედებითი აქტივობებით იყვნენ დაკავებულები.