გორის სახელმწიფო უნივერსიტეტსა და ვეტერანთა საქმეთა სახელმწიფო სამსახურს შორის ურთიერთთანამშრომლობის მემორანდუმი გაფორმდა

მიმდინარე წლის 25 ივლისს გორის სახელმწიფო უნივერსიტეტს სტუმრობდნენ სსიპ ვეტერანთა საქმეთა სახელმწიფო სამსახურის დირექტორი, გენერალ-მაიორი კობა კობალაძე და სამსახურის წარმომადგენლები.

სტუმრებს უნივერსიტეტის რექტორმა, პროფესორმა ალექსანდრე მღებრიშვილმა უმასპინძლა. შეხვედრისას მან ისაუბრა ვეტერანთა სახელმწიფო სამსახურთან თანამშრომლობის მნიშვნელობასა და მომავლის პერსპექტივებზე.

ბატონმა კობა კობალაძემ მოკლედ მიმოიხილა ვეტერანთა სამსახურის შექმნის ისტორია, საქმიანობის ძირითადი მიმართულებები და სამომავლო გეგმები.

შეხვედრის დასასრულს გორის სახელმწიფო უნივერსიტეტსა და სსიპ ვეტერანთა საქმეთა სახელმწიფო სამსახურს შორის ურთიერთთანამშრომლობის მემორანდუმი გაფორმდა, რაც მნიშვნელოვანი წინგადადგმული ნაბიჯია ერთობლივი საგანმანათლებლო და სოციალური ინიციატივების განხორციელებისკენ.