2021 წლის გაზაფხულზე, Jean Monnet Module-ის ფარგლებში „აღმოაჩინე ევროკავშირი ასოცირების შეთანხმებაში“, გორის უნივერსიტეტის სხვადასხვა საგანმანათლებლო პროგრამის ფარგლებში დაიწყო სწავლება საგნისა „ევროკავშირი, ასოცირების შეთანხმება და სამართლებრივი დაახლოება“.

სასწავლო კურსს გადის 3 სხვადასხვა ჯგუფი:

1. სამართლის სამაგისტრო პროგრამის სტუდენტები (6 კრედიტიანი, 42 საკონტაქტო საათი)
2. საჯარო მმართველობის სამაგისტრო პროგრამის სტუდენტები (6 კრედიტიანი, 42 საკონტაქტო საათი)
3. ბიზნეს ადმინსიტრირების საბაკალავრო სტუდენტები (5 კრედიტიანი, 38 საკონტაქტო საათი)

მთლიანობაში გაზაფხულის სემესტრზე სწავლებას გადის 52 სტუდენტი, 122 საკონტაქტო საათის (სალექციო-სასწავლო-სასემინარო) ფარგლებში.

კურიკულუმის ფარგლებში განსახილველი საკითხებია:

• ევროკავშირის დაფუძნება, განვითარების დინამიკა, გაფართოება, ფასეულობები, მიზნები.
• საქართველო-ევროკავშირის ურთიერთობების განვითარების დინამიკა (1996 წლიდან („პარტნიორობისა და თანამშრომლობის შესახებ“ შეთანხმებიდან) დღემდე, მათ შორის ევროპის სამეზობლო პოლიტიკა, აღმოსავლეთ პარტნიორობის ინიციატივა, პარტნიორობა მობილურობისათვის, ვიზის ლიბერალიზაციის სამოქმედო გეგმა, ასოცირების შეთანხმება და სხვა).
• ასოცირების შეთანხმება, როგორც საქართველოს საერთაშორისო ხელშეკრულება; ასოცირების შეთანხმების ძალაუფლება და პოზიცია ეროვნულ სამართალში.
• ევროკავშირის სამართლის სისტემა, წყაროები, მეორეული კანონმდებლობის მიღება, მეორეული კანონმდებლობის ბუნება.
• ევროკავშირის პოლიტიკური ორგანოები.
• ასოცირების შეთანხმების სტრუქტურა, ორგანიზების წესი, პოლიტიკური, სავაჭრო და სექტორალური ნაწილები.
• სამართლებრივი აპროქსიმაციის არსი, ცნება, მისი სახეები (ეტაპობრივი, დინამიური), სამი სტადია (საკანონმდებლო პროცესი, შესრულება და აღსრულება).
• შესაბამისობის ცხრილი და ქართული კანონმდებლობის ევროკავშირის კანონმდებლობასთან დაახლოების შემოწმების მექანიზმი.
• მდგრადი განვითარების ცნება ასოცირების შეთანხმების ფარგლებში და მისი მნიშვნელობა სამართლებრივი აპროქსიმაციის სფეროში.
• DCFTA, მიზნები, შედეგები.
• ვაჭრობა და ექსპორტ-იმპორტის პოლიტიკა, ცნება „წარმოშობილია საქართველოში“.
• კონკურენციის პოლიტიკა და თავისუფალი ბაზარი.
• სხვადასხვა სექტორალური მიმართულებები - დასაქმება, შრომა, მომხმარებელთა უფლებებები, ტრანსპორტი, განათლება და სხვა.
• ევროკავშირის შიდა ბაზარი და საქონლის გადაადგილების თავისუფლება.
• ევროკავშირის მართლმსაჯულების სასამართლო პრაქტიკა და ქეისები.
• სამართლებრივი აპროქსიმაციისა და ევროპული ინტეგრაციის პოლიტიკის კოორდინაციის სისტემა საქართველოში.
• ევროკავშირსა და საქართველოს შორის პოლიტიკური დიალოგის ფორმატები.
• ევროპული ინტეგრაციის მონიტორინგი სამოქალაქო სექტორის დონეზე.
• ევროკავშირის დახმარების ფორმები და ოდენობა.