გორის სახელმწიფო უნივერსიტეტისა და ბორჯომის მუნიციპალიტეტის ინიციატივით ჩატარდა მანსანკანის სასკოლო ჩემპიონატი ბორჯომისა და ბორჯომის რაიონის სკოლებს შორის.  2016 წლის 7 ივნისს  ბორჯომის შოთა რუსთაველის სახელობის კულტურისა და ხელოვნების ცენტრში გაიმართა ფინალური კონკურსი. ფინალში 5 საჯარო სკოლა იღებდა მონაწილეობას:  ბორჯომის #1, #6, ახალდაბის, წაღვერისა და რველის საჯარო  სკოლები.
     ჟიურის შემადგენლობაში იყვნენ: გორის სახელმწიფო უნივერსიტეტის ადმინისტრაციის ხელმძღვანელი, პროფესორი გიორგი ხორბალაძე, საქართველოს მხიარულთა და საზრიანთა  ფედერაციის ხელმძღვანელი ნიკოლოზ მახვილაძე, მსახიობი ზვიად ბლიაძე, „ილო ბეროშვილის შოუს“ რეჟისორი და მსახიობი გივი მელაშვილი, ბორჯომის საკრებულოს თავმჯდომარის მოადგილე გიორგი ფერაძე, ბორჯომის საკრებულოს  წევრი და ფრაქციის თავმჯდომარე მარინე ნოზაძე.
    ჟიურიმ შეაფასა და გამოავლინა გამარჯვებული გუნდი.
 პირველი ადგილი მოიპოვა ახალდაბის საჯარო სკოლამ და გადაეცა გორის სახელმწიფო უნივერსიტეტის თასი. ასევე, ტრადიციულად, გორის სახელმწიფო უნივერსიტეტმა, ბორჯომის სასკოლო ჩემპიონატის ხუთივე ფინალისტი გუნდი დაასაჩუქრა ერთ დღიანი საერთო ექსკურსიით.
აღსანიშნავია, რომ გორის სახელმწიფო უნივერსიტეტი მუდმივად ახორციელებს კულტურულ-საგანმანათლებლო ღონისძიებებს რეგიონის მოსწავლე ახალგაზრდობისათვის და კვლავაც გეგმავს მათთვის საინტერესო პროექტებს.