მიმდინარე წლის 12 ივნისს, გორის სახელმწიფო უნივერსიტეტის ლიტერატურული კაფეს ინიციატივით, ქვემო ნიქოზის ხელოვნების სკოლას სტუმრობდა გორის უნივერსიტეტის რექტორი, პროფესორი, მწერალი გიორგი სოსიაშვილი, რომელმაც ორი მიმართულებით წარმართა შეხვედრა მოსწავლე ახალგაზრდობასთან - როგორც პროზაიკოსმა და როგორც მეცნიერმა. გიორგი სოსიაშვილმა წაიკითხა ამონარიდები თავისი ბოლოდროინდელი მოთხრობიდან ,,იაილები" და ისაუბრა იმ ინსპირაციაზე, რამაც შთააგონა ან ნაწარმოების დაწერა. მეორე ეტაპზე კი ისაუბრა იერუსალიმის ჯვრის მონასტერში მოღვაწე ოთხ ნიქოზელ ეპისკოპოსსა და ძელიცხოვლის წმ. ნაწილების კავშირზე ნიქოზთან. შეხვედრა კითხვა-პასუხის რეჟიმში წარიმართა, რამაც დიდი ინტერესი გამოიწვია დამსწრე საზოგადოებაში.
შეხვედრას, გიორგი სოსიაშვილთან ერთად, ესწრებოდნენ გორის უნივერსიტეტის ადმინისტრაციის ხელმძღვანელი, პროფესორი გიორგი ხორბალაძე და ლიტერატურლი კაფეს ხელმძღვანელი თამარ გელიტაშვილი.