გორის სახელმწიფო სასწავლო უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის სამართალმცოდნეობის საბაკალავრო საგანმანათლებლო პროგრამის სტუდენტებმა მონაწილეობა მიიღეს თბილისის სახელმწიფო უნივერსიტეტის საერთაშორისო სამართლის ინსტიტუტის, ევროკავშირისა და მიგრაციის პოლიტიკის განვითარების საერთაშორისო ცენტრის (ICMPD) მიერ ორგანიზებულ ლტოლვილთა საერთაშორისო სამართალში იმიტირებული სასამართლო პროცესის ეროვნულ ჩემპიონატში, რომლის დასკვნითი ტური 2019 წლის 21 იანვარს ივანე ჯავახიშვილის სახელობის თბილისის სახელმწიფო უნივერსიტეტში გაიმართა.
გორის უნივერსიტეტის გუნდის წევრები ზეპირ და წერით რაუნდებში გამარჯვების საფუძველზე საქართველოს უმაღლეს სასწავლებელთა 8 საუკეთესო გუნდს შორის მოხვდნენ.
გორის სახელმწიფო სასწავლო უნივერსიტეტის პრაქტიკული სამართლის კათედრა კვლავ გააგრძელებს თანამშრომლობას ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ინსტიტუტთან და უზრუნველყოფს სტუდენტების აქტიურ ჩართულობას მსგავსი შინაარსის აქტივობებში.