3 ნოემბერს გორის სახელმწიფო სასწავლო უნივერსიტეტმა უმასპინძლა "ინოვაციურ დღეებს რეგიონებში" . ღონისძიებას დაესწრნენ სხვადასხვა რეგიონების სასწავლო დაწესებულებების წარმომადგენლები. შეხვედრაზე საუბარი იყო ინოვაციების როლსა და მნიშვნელობაზე რეგიონებში, ასევე მოხდა რამდენიმე სტარტაპის პრეზენტაცია და გამარჯვებული გუნდების პროდუქტების პრეზენტაცია. ღონისძიების პრეზენტატორები იყვნენ:
გიორგი სოსიაშვილი - გორის უნივერსიტეტის რექტორი-პროფესორი, გიორგი კინწურაშვილი - GITA(საქართველოს ინვაციებისა და ტექნოლოგიების სააგენტო), ააიპ "ზრდას" წარმომადგენელი - ქეთევან ჭუმბურიძე, Hand4Help - არჩილ საყევარაშვილი, გიორგი ლალიაშვილი, ინოვაცია სოფლად, GRDF ხელმძღვანელი ვანო გრიგოლაშვილი, ჯეოლაბი - სანდრო ასათიანი, Educare - ნინი მუჩიაშვილი.
ღონისძიება საქართველოს ინოვაციების და ტექნოლოგიების სააგენტოსა და USAID-ის პროექტს ZRDA-ს ორგანიზებით ჩატარდა. შეხვედრაზე პრეზენტატორებმა ადგილობრივ მოსახლეობას გააცნეს, თუ რა სახის ხელშეწყობა შეიძლება მიიღონ სააგენტოსა და აღნიშნული პროექტისგან, როგორ უნდა დაიწყონ სტარტაპი და განავითარონ იდეა.