2015 წლის 2 ივნისს სტუდენტური დღეების ფარგლებში გორის სახელმწიფო სასწავლო უნივერსიტეტის სააქტო დარბაზში იუმორისტული საღამო გაიმართა, სადაც მონაწილებდნენ გორის საჯარო სკოლების ნაკრები გუნდი „კრეატივი“ და გორის უნივერსიტეტის მხიარულთა და საზრიანთა გუნდები „სმაილი“ და „კეხურა“ .
ღონისძიებას ესწრებოდნენ გორის სახელმწიფო სასწავლო უნივერსიტეტის რექტორი, გიორგი სოსიაშვილი, ადმინისტრაციის ხელმძღვანელი გიორგი ხორბალაძე, რექტორის თანაშემწე ზაქარია დოთიაშვილი, ადმინისტრაციული პერსონალი, სტუდენტები და გორის საჯარო სკოლების მოსწავლეები.