ცხადდება კონკურსი გორის სახელმწიფო უნივერსიტეტის ბაკალავრიატის საფეხურის მესამე, მეოთხე, მეხუთე და მეექვსე სემესტრის სტუდენტებისთვის ევროკომისიის მიერ დაფინანსებული ერასმუს+ პროგრამის სტიპენდიების მოსაპოვებლად.

უნგრეთი

კაროლი გასპარის უნივერსიტეტი
სასწავლო მიმართულებები (ინგლისურენოვანი): ინგლისური ფილოლოგია (ჰუმანიტარულ მეცნიერებათა ფაკულტეტის სტუდენტებისთვის)
მობილობის პერიოდი: 2022-23 სასწავლო წლის გაზაფხულის სემესტრი.

სტიპენდიატთა შესარჩევი პროცესი:

1. განაცხადისა და შესაბამისი დოკუმენტაციის შემოწმება (გორის სახელმწიფო უნივერსიტეტი)
2. უნივერსიტეტის მიერ ორგანიზებული ინგლისური ენის ინსტიტუციური ტესტირება (გორის სახელმწიფო უნივერსიტეტი)
3. საბოლოო შერჩევა/სტიპენდიის მინიჭება (კაროლი გასპარის უნივერსიტეტი)

სტიპენდია მოიცავს:

1. სწავლის გადასახადისაგან გათავისუფლებას;
2. ყოველთვიურ სტიპენდიას ევროკომისიის მიერ დადგენილი ნიხრით;
3. ორმხრივი საერთაშორისო მგზავრობის ხარჯების ანაზღაურებას ევროკომისიის მიერ დადგენილი ნიხრით.

შერჩეულმა სტიპენდიატებმა თავად უნდა აანაზღაურონ სავიზო მოსაკრებლისა და ყოველთვიური საერთაშორისო დაზღვევის ხარჯები!

დაინტერესებულმა პირებმა უნივერსიტეტის საერთაშორისო ურთიერთობების სამსახურში ( I კორპუსი, 214 აუდიტორია) რეგისტრაცია უნდა გაიარონ არაუგვიანეს 5 დეკემბრის 17.00 საათისა და 6 დეკემბერს მონაწილეობა მიიღონ უნივერსიტეტის მიერ ორგანიზებულ ინგლისური ენის ინსტიტუციური ტესტირებაში.