14 ივნისს გორის უნივერსიტეტის ჰუმანიტარული ფაკულტეტის ქართული ენისა და ლიტერატურის სასწავლო-სამეცნიერო ცენტრის ორგანიზებით გაიმართა მე-5 საერთაშორისო სამეცნიერო კონფერენცია.
კონფერენცია ოფიციალურად გახსნა გორის უნივერსიტეტის რექტორმა, პროფესორმა გიორგი სოსიაშვილმა. პლენარულ სხდომაზე სიტყვით გამოვიდნენ: ვიანორ ახალაია - გორის სახელმწიფო სასწავლო უნივერსიტეტის ქართული ენისა და ლიტერატურის სასწავლო სამეცნიერო ცენტრის ხელმძღვანელი, ავთანდილ არაბული - არნოლდ ჩიქობავას სახელობის ენათმეცნიერების ინსტიტუტის დირექტორი და გიორგი გოგოლაშვილი - გორის სახელმწიფო სასწავლო უნივერსიტეტის პროფესორი.
პლენარული სესიის შემდეგ კონფერენციის მონაწილეებმა მუშაობა განაგრძეს ქართული ენის, ლიტერატურისა და პედაგოგიკის სექციებში. კონფერენციაზე სულ წარმოდგენილი იყო 47 მომხსენებლის/თანამომხსენებლის 42 ნაშრომი.