12 ოქტომბერს გორის უნივერსიტეტის სააქტო დარბაზში გაიმართა მიტროპოლიტ თადეოზის ხსოვნისადმი მიძღვნილი საღამო და თამარ თაგვაძის ფილმის - "და გათავდება ყველა ტკივილი“ (მეორე ნაწილი) პრეზენტაცია, რომელიც გორის მუნიციპალიტეტის საკრებულოს, გამგეობის და გორის სახელმწიფო უნივერსიტეტის რექტორ, გიორგი სოსიაშვილის თანადგომით გადაიღეს.
საღამოს ორგანიზებაში მონაწილეობდნენ ლიტერატურული საზოგადოება "ვერკვლისციხელის" (მ.ხარხელაური, გ.ფარეშიშვილი) , "მიტროპოლიტი თადეოზის სახელობის ფონდის" (მ.იორამაშვილი), გორის კულტურულ-საგანმანათლებლო ცენტრის (ლია დავითიშვილი) და მეუფე თადეოზის ოჯახის წევრები.
გორის უნივერსიტეტში, იქ სადაც მეუფემ სტუდენტობა გაატარა, გაიხსნა მეუფე თადეოზის სახელობის აუდიტორია. სადაც გამოფენილია მისი მოღვაწეობის ამსახველი ფოტოები და გამოუქვეყნებელი ხელნაწერები.