20 დეკემბერს, გორის უნივერსიტეტში, გეოპოლიტიკური კვლევების საერთაშორისო ცენტრის პროექტის - "NATO-ს წარმატებული ისტორია", ყველაზე აქტიურ მონაწილეებს გადაეცათ სერტიფიკატები და სამახსოვრო საჩუქრები. პროექტის ფარგლებში მონაწილეები შეხვდნენ ნატოს სამეკავშირეო ოფისის ხელმძღვანელს საქართველოში, საქართველოში NATO-ს წევრი ქვეყნების ელჩებს და საქართველოს სახელმწიფო უწყებების მაღალი თანამდებობის პირებს. პროექტი დაფინანსებული იყო NATO-ს სახალხო დიპლომატიის განყოფილების მიერ.
შეხვედრა გახსნა გორის უნივერსიტეტის რექტორმა, პროფეორმა გიორგი სოსიაშვილმა, რომელმაც მადლობა გადაუხადა გეოპოლიტიკური კვლევების საერთაშორისო ცენტრს სტუდენტებისთვის ასეთი მნიშვნელოვანი პროექტის განხორციელებისთვის, ასევე პროექტის ექსპერტს, ქალბატონ არინა თავაქარაშვილს, რომელმაც გორის უნივერსიტეტის სტუდენტებს საშუალება მისცა მონაწილეობა მიეღოთ აღნიშნულ პროექტში.
პროექტის კოორდინატორი, გეოპოლიტიკური კვლევების ცენტრის დირექტორი, ნატო ბაჩიაშვილი; პროექტის ექსპერტი, გორის უნივერსიტეტის მოწვეული ლექტორი, არინა თავაქარაშვილი.