მიმდინარე წლის 24 ოქტომბერს გორის სახელმწიფო უნივერსიტეტის ლიტერატურულმა კაფემ უმასპინძლა ქართველ პოეტს გურამ ჯახუტაშვილს.
გურამ ჯახუტაშვილი ორი პოეტური კრებულის - „თევზის ოთახი“ (2013წ.) და „მზის ჩრდილი“ (2018წ.) - ავტორია. ამათგან ერთი - „თევზის ოთახი“ 2013 წელს პრემია „საბას“ ფინალისტთა სიაში იყო, ნომინაციაში - „ლიტერატურული დებიუტი“.
შეხვედრას უძღვებოდა ლიტერატურული კაფის ხელმძღვანელი, კრიტიკოსი თამარ გელიტაშვილი.
პოეტურ საღამოს ესწრებოდნენ გორის სახელმწიფო უნივერსიტეტის პროფესორ-მასწავლებლები, სტუდენტები, პოეტები.