4 ივნისს, „სტუდენტური დღეები 2019“-ის ფარგლებში გორის უნივერსიტეტში პოეზიის საღამო გაიმართა. საღამოზე მსმენელის წინაშე წარსდგნენ ახალი თაობის პოეტები დათო ლომაია, ნანიკო სადღობელაშვილი და ქეთი ჯოლბორდი, რომლებმაც საკუთარი შემოქმედებიდან წაიკითხეს, როგორც ძველი, ასევე საზოგადოებისთვის უცნობი ლექსები.
საღამო მუსიკალურად გააფორმეს ნიკო ღვინიაშვილმა, ანი შიოშვილმა და სოფო გოგშელიძემ, რომლებმაც რამდენიმე კომპოზიცია შეასრულეს, მათ შორის ერთერთი კომპოზიცია დათო ლომაიას ტექსტზე არის შექმნილი.
ღონისძიებას ესწრებოდნენ უნივერსიტეტის რექტორის მ/შ, პროფესორი გიორგი სოსიაშვილი, ადმინისტრაციის ხელმძღვანელი, გიორგი ხორბალაძე, უნივერსიტეტის ადმნისტრაცია და სტუდენტები.