17 აპრილს, ქართული ენის დღისადმი მიძღვნილი საჯარო ლექციების ციკლის ფარგლებში, გორის სახელმწიფო უნივერსიტეტში დასკვნითი შეხვედრა გაიმართა.
ასოცირებულმა პროფესორმა ანა იმნაძემ წაიკითხა საჯარო ლექცია თემაზე: „ენა და სახელმწიფოებრივი იდენტობა“. მომხსენებელმა ისაუბრა ქართული ენის, როგორც სახელმწიფოებრივი მდგრადობისა და ეროვნული კონსოლიდაციის უმთავრესი ფაქტორის შესახებ. ლექციის მსვლელობისას ყურადღება გამახვილდა ენის როლზე ქვეყნის სუვერენიტეტის განმტკიცების პროცესში.
შეხვედრა ინტერაქტიულ რეჟიმში წარიმართა. საჯარო ლექციას ესწრებოდნენ უნივერსიტეტის რექტორი, პროფესორი ალექსანდრე მღებრიშვილი, სასწავლო პროცესის მართვის სამსახურის უფროსი, პროფესორი ციური დურული, აკადემიური პერსონალის წარმომადგენლები და სტუდენტები, რომლებმაც აქტიური მონაწილეობა მიიღეს დისკუსიაში.