7 აპრილს გორის უნივერსიტეტის ქართული ენისა და ლიტერატურის კაბინეტში, საქართველოს საპატრიარქოს, ანდრია პირველწოდებულის სახელობის ქართული უნივერსიტეტის ქართველოლოგიის ცენტრის ხელმძღვანელმა, პროფესორმა ტარიელ ფუტკარაძემ ჩაატარა საჯარო ლექცია თემაზე: „ ქართველთა ენობრივ - ეთნიკური ისტორია თანამედროვე გეოპოლიტიკურ კონტექსტში“ და „ქართველოლოგიის აქტუალური პრობლემების განხილვა, საინფორმაციო თავდაცვის მიმართულებით“.
ლექციას ესწრებოდა გორის უნივერსიტეტის რექტორი, პროფესორი გიორგი სოსიაშვილი, გორის უნივერსიტეტის პროფესორ-მასწავლებლები, სტუდენტები და საპატიო სტუმარები - ფერეიდნელი, ქართველი, პროფესორი საიდ მულიანი და ხელოვნებათმცოდნე თურქეთიდან, ჟურნალ „ქართველოლოგიის აქტუალური პრობლემების“ სარედაქციო კოლეგიის წევრი, ბატონი ფევზი ჩელები (ჩელებაძე).
ლექციის შემდეგ შეხვედრა წარიმართა კითხვა-პასუხის რეჟიმში. დასასრულს, ბატონმა გიორგი სოსიაშვილმა მადლობა გადაუხადა ბატონ ტარიელ ფუტკარაძეს და ჩამოსულ სტუმრებს საინტერესო ლექციისთვის.