მიმდინარე წლის 25 მარტს გორის სახელმწიფო სასწავლო უნივერსიტეტის საერთაშორისო ურთიერთობების სამსახურის ხელმძღვანელმა, ბატონმა ზურაბ ზურაბაშვილმა და ამავე სამსახურის საერთაშორისო პროგრამების კოორდინატორმა, პროფესორმა რუიზან მექვაბიძემ საინფორმაციო შეხვედრა გამართეს უნივერსიტეტის სტუდენტებთან.
საერთაშორისო ურთიერთობების სამსახურის წარმომადგენლებმა შეხვედრაზე მყოფ სტუდენტებს მიაწოდეს ინფორმაცია ერასმუს +-ს მობილობის და სხვა საერთაშორისო მობილობის პროგრამებისა და შესაძლებლობების შესახებ.
საინფორმაციო ხასიათის პრეზენტაციის დასრულების შემდეგ შეხვედრა გაგრძელდა კითხვა-პასუხის ფორმატში.
საერთაშორისო მობილობის პროგრამების შესახებ ინფორმაცია განთავსებულია გორის სახელმწიფო სასწავლო უნივერსიტეტის ვებ-გვერდზე (https://gu.edu.ge/ge/international-relations1/exchange-programs).