17 დეკემბერს გორის სახელმწიფო სასწავლო უნივერსიტეტში გაიმართა პროფესორ ზურაბ ზერაკიძის დაბადებიდან 80 წლისადმი მიძღვნილი საიუბილეო ღონისძიება.
საღამო გახსნა გორის უნივერსიტეტის რექტორმა, პროფესორმა გიორგი სოსიაშვილმა, რომელმაც ხაზი გაუსვა ბატონი ზურაბის სამეცნიერო ღვაწლს და ისაუბრა უნივერსიტეტის წინაშე მის დამსახურებაზე.
მისალოცი სიტყვები წარმოთქვეს: გორის უნივერსიტეტის ადმინისტრაციის ხელმძღვანელმა, გიორგი ხორბალაძემ, საქართველოს მათემატიკოსთა კავშირის პრეზიდენტმა, ტექნიკური უნივერსიტეტის მათემატიკური დეპარტამენტის ხელმძღვანელმა, პროფესორმა დავით ნატროშვილმა, თსუ მათემატიკის დეპარტამენტის ხელმძღვანელმა, სტატისტიკის ასოციაციის ვიცე-პრეზიდენტმა, პროფესორმა ომარ ფურთუხიამ, გორის უნივერსიტეტის პროფესორებმა ჯემალ ქირიამ და ელდარ მამისთვალიშვილმა, გორის უნივერსიტეტის სტუდენტმა ნინო რაზმაძემ.
საიუბილეო ღონისძიებაზე გორის უნივერსიტეტის სტუდენტებმა შეასრულეს მუსიკალური ნომრები.
ღონისძიებას უძღვებოდა გორის უნივერსიტეტის ასოცირებული პროფესორი, ჟურნალ „ჩვენი უნივერსიტეტის“ რედაქტორი იოსებ ჭუმბურიძე.