2015 წლის 26 ივნისს გორის სახელმწიფო სასწავლო უნივერსიტეტში პრაქტიკული სამართლის კლინიკისა და სოციალურ მეცნიერებათა კათედრის ორგანიზებით პროფესორ-მასწავლებელთა და სტუდენტთა ერთობლივი საუნივერსიტეტთაშორისო სამეცნიერო კონფერენცია - „თანამედროვე სამართლის აქტუალური საკითხები“ - ჩატარდა.
კონფერენცია გახსნა გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა. დამსწრე საზოგადოებას მიესალმნენ: პრაქტიკული სამართლის კლინიკისა და სოციალურ მეცნიერებათა კათედრის ხელმძღვანელი ივანე ბალახაშვილი, ადმინისტრაციის ხელმძღვანელი, პროფესორი გიორგი ხორბალაძე, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი, პროფესორი ნუგზარ აბრამიშვილი და პროფესორი მალხაზ მუმლაძე. კონფერენციის მუშაობაში მონაწილეობდნენ სტუდენტები და პროფესორ-მასწავლებლები ივანე ჯავახიშვილის სახელობის თბილისის სახელმწიფო უნივერსიტეტიდან, სამცხე-ჯავახეთის სახელმწიფო უნივერსიტეტიდან, საქართველოს დავით აღმაშენებლის სახელობის უნივერსიტეტიდან.