2019 წლის 11 აპრილს გორის სახელმწიფო სასწავლო უნივერსიტეტში ბიზნესის ადმინისტრირების კათედრის ორგანიზებით ჩატარდა სამუშაო შეხვედრა დამსაქმებლებთან, სადაც პროგრამის ხელმძღვანელებმა წარმოადგინეს ბიზნესის ადმინისტრირების საბაკალავრო და სამაგისტრო საგანმანათლებლო პროგრამები: ეკონომიკის საბაკალავრო, ტურიზმის საბაკალავრო , განათლების ხელმძღვანელობისა და მართვის სამაგისტრო საგანმანათლებლო პროგრამები. მოეწყო პროგრამების მიზნებისა და შედეგების განხილვა-დისკუსია. შეხვედრას ესწრებოდნენ უნივერსიტეტის რექტორის მოადგილე პროფესორი გიორგი სოსიაშვილი, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი, პროფესორი მარიკა შერაზადიშვილი; ბიზნესის ადმინისტრირების კათედრის ხელმძღვანელი პროფესორი თეა ხორგუაშვილი.