გორის სახელმწიფო სასწავლო უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი მარიკა შერაზადიშვილი და ბიზნესის ადმინისტრირების კათედრის ხელმძღვანელი თეა ხორგუაშვილი ჩეხეთის ქალაქ კარვინას მინიციპალიტეტის პროექტ „BUSINESS GATE” -ის და „ერაზმუს +“-ის ფარგლებში სამუშაოდ იმყოფებიან კარვინაში. 2017 წლის 26-27 ოქტომბერს ისინი შეხვდნენ ქალაქ კარვინას ვიცე-მერს ლუკას რაზუკს, სილეზიის უნივერსიტეტის დეკანის მოადგილეს და მუნიციპალიტეტის წარმომადგენლებს. ასევე მოინახულეს ტექნოლოგიური უნივერსიტეტი და ბიზნესსკოლა. ჩატარდა ურთიერთთანამშრომლობის მემორანდუმის მოსამზადებელი სამუშაო.