„იაზროვნე ნათია გველებიანის დასახმარებლად“.

გორის ინტელექტ კლუბი რა? სად? როდის? და საინიციატივო ჯგუფის ორგანიზებით, 7 ოქტომბერს გორის უნივერსიტეტში მოეწყო საქველმოქმედო ინტელექტუალური თამაში, სახელწოდებით „იაზროვნე ნათია გველებიანის დასახმარებლად“, სადაც გორის სამთავრობო, არასამთავრობო და ბიზნეს სექტორის წარმომადგენლები იღებდნენ მონაწილეობას. გუნდების რეგისტრაციის დროს შემოსული თანხა მთლიანად გადაეცა ნათია გველებიანის ოჯახს, რომლის წარმომადგენელიც ესწრებოდა თამაშს.

გამარჯვებულ გუნდებს გადაეცათ სამსახსოვრო საჩუქრები, სპეციალური მედლები და სერტიფიკატები.