2015 წლის 14 მაისს გორის სახელმწიფო სასწავლო უნივერსიტეტს სტუდენტური დღეების ფარგლებში საქართველოს დამსახურებული არტისტი ლეო ანთაძე ესტუმრა.
ცნობილმა მსახიობმა გორის უნივერსიტეტის სააქტო დარბაზში გამართულ შემოქმედებით შეხვედრაზე ეპიზოდები წარმოადგინა ცნობილი სპექტაკლებიდან: “ბათა ქექია”, “კოლხეთის ცისკარი”, “მე, ბებია, ილიკო და ილარიონი”. აგრეთვე გაიხსენა თავისი ბავშვობა, ქვიშხეთში ცნობილ ადამიანებთან შეხვედრის ეპიზოდები.
სპექტაკლის ბოლოს მსახიობმა დამსწრე საზოგადოების მქუხარე ტაში დაიმსახურა.
შეხვედრას ესწრებოდნენ გორის უნივერსიტეტის რექტორი, ბატონი გიორგი სოსიაშვილი, აკადემიური და ადმინისტრაციული პერსონალი, სტუდენტები და სკოლის მოსწავლეები.