მიმდინარე წლის 13 ივლისს გორის უნივერსიტეტში გაიმართა შეხვედრა გორის უნივერსიტეტის რექტორ, პროფესორ გიორგი სოსიაშვილსა და ამერიკის შეერთებული შტატების აღმოსავლეთ კაროლინის უნივერსიტეტის წარმომადგენლებს, მელანი და ბენ ბეიკერ რობინსს შორის.
აღმოსავლეთ კაროლინის უნივერსიტეტი ახორციელებს გლობალური პარტნიორობის პროექტს განათლების მიმართულებით, რომელიც მოიცავს დაახლოებით 50 უნივერსიტეტს 30 ქვეყანაში. გორის უნივერსიტეტი იქნება პირველი უნივერსიტეტი საქართველოში, რომელიც ჩაერთვება აღნიშნულ პროექტში და მიიღებს მონაწილეობას კულტურათაშორის გაცვლით პროგრამაში (ონლაინ).