5 დეკემბერს გორის უნივერსიტეტს ეწვია, საქართველოში ოფიციალური ვიზიტით მყოფი, პოლონეთის პარლამენტის დეპუტატი, ბატონი ბარტოშ იუჟვიაკი.
ბატონ ბარტოშს შეხვდა გორის უნივერსიტეტის რექტორი, პროფესორი გიორგი სოსიაშვილი. შეხვედრაზე განიხილეს გორის და ვარშავის უნივერსიტეტების ურთიერთობის კონკრეტული გეგმები.
სტუმარმა დაათვალიერა გორის უნივერსიტეტი, ვარშავის უნივერსიტეტის ცენტრი და დაესწრო პოლონური ენის ლექციას.