28 ოქტომბერს გორის სახელმწიფო სასწავლო უნივერსიტეტში ჩატარდა შეხვედრა პროფესიულ - საგანმანათლებლო პროგრამების საშემოდგომო მიღებაზე დარეგისტრირებულ აპლიკანტებთან. მათ საგამოცდო პირობები გააცნო შეფასებისა და გამოცდების ეროვნული ცენტრის წარმომადგენელმა, ქალბატონმა თამარ კაკუტიამ.
შეხვედრას ესწრებოდნენ კოლეჯ „განთიადის“, სულხან ცინცაძის სახელობის სამუსიკო კოლეჯისა და გორის უნივერსიტეტის პროფესიული მიმართულების აპლიკანტები, რომელთაც ყველა კითხვაზე ამომწურავი პასუხი მიიღეს.