20 მაისს გორის უნივერსიტეტის რექტორი, პროფესორი გიორგი სოსიაშვილი და სოფლის მეურნეობის მინისტრი ოთარ დანელია სრულიად საქართველოს კათოლიკოს- პატრიარქს, ილია II-ს შეხვდნენ.
 კათოლიკოს-პატრიარქმა საქართველოში სოფლის მეურნეობის დარგის განვითარების მნიშვნელობაზე გაამახვილა ყურადღება.
 შეხვედრაზე საპატრიარქოს მევენახეობა-მეღვინეობის ეროვნული ცენტრის ხელმძღვანელის მოადგილემ გიორგი ანდრიაძემ სოფლის მეურნეობის სამინისტროსა და საპატრიარქოს ერთობლივი საქმიანობისა და იმ მემორანდუმის შესახებ ისაუბრა, რომლის მიზანიც მევენახეობა-მეღვინეობის მიმართულების განვითარება, ეპარქიებში ვაზის ადგილობრივი უნიკალური ჯიშების პოპულარიზაცია და ქართულ ისტორიულ დიასპორის ტერიტორიაზე ვაზის ქართული, ენდემური ჯიშების მოძიება-გაშენებაა. აღნიშნული პროექტის ფარგლებში 11 მაისს გორის უნივერსიტეტის ბაღში უკვე დაირგო ენდემური ჯიშის 120 ნერგი.
 კათალიკოს-პატრიარქმა დალოცა გორის უნივერსიტეტის რექტორი და წარმატებები უსურვა უნივერსიტეტს განვითარების რთულ გზაზე.