"საქართველო ჩემთვის არის კორსიკა, რომელიც სამშობლოსავით შემიყვარდა"- ამბობს ფრანგი ადვოკატი და ბიზნესმენი ჟერარ ჟერმანი, რომელიც გორის მუნიციპალიტეტის გამგებელთან, დავით ონიაშვილთან და ქართველ მხატვარ, ლევან მოსიაშვილთან ერთად გორის სახელმწიფო უნივერსიტეტს სტუმრობდა. ჟერარ ჟერმანმა გიორგი სოსიაშვილთან შეხვედრისას ისაუბრა, რომ მისი, როგორც კავკასიოლოგის დიდი სურვილია გორთან თანამშრომლობის გააქტიურება. გორის უნივერსიტეტის რექტორმა სურვილი გამოთქვა, უნივერსიტეტის ბაზაზე შეიქმნას ფრანგული ენის ცენტრი, სადაც სტუდენტები ისწავლიან ენას და ჩაერთვებიან ფრანგულ გაცვლით პროგრამებში.
გორის მუნიციპალიტეტის გამგებელმა, დავით ონიაშვილმა, შეხვედრის დროს, რუსეთთან ომის თემაზე, გიორგი სოსიაშვილის წიგნის, ფრანგულ ენაზე თარგმნის ინიციატივა და მხარდაჭერა გამოთქვა