10 თებერვალს გორის უნივერსიტეტის ადმინისტრაციის ხელმძღვანელი გიორგი ხორბალაძე, ფაკულტეტების დეკანები და სპორტის კათედრის წევრები შეხვდნენ სპორტის მიმართულებით წარმატებულ სტუდენტებს. განათლების, ზუსტ და საბუნებისმეტყველო მეცნიერებათა ფაკულტეტის III კურსის სტუდენტს ბექარ კაპანაძეს უნიკალურ ორთაბრძოლებში მსოფლიო ჩემპიონის ტიტულის მოპოვებისთვის, განათლების, ზუსტ და საბუნებისმეტყველო მეცნიერებათა ფაკულტეტის IV კურსის სტუდენტს დავით კარბელაშვილს სამბოს მსოფლიოს საერთაშორისო ტურნირზე ვერცხლის მედლის მოპოვებისთვის და სოციალურ მეცნიერებათა, ბიზნესისა და სამართალმცოდნეობის ფაკულტეტის II კურსის სტუდენტს გიორგი ყულუმბეგაშვილს საქართველოს პროფესიონალ მოკრივეთა შორის ჩატარებულ ტურნირზე ოქროს მედლის მოპოვებისთვის გადაეცათ სპეციალური სიგელები და საჩუქრები.  ადმისნიტრაციის ხელმძღვანელმა სტუდენტებს მიულოცა გამარჯვებები და უსურვა შემდგომი წარმატებები.