5 მარტს გორის სახელმწიფო სასწავლო უნივერსიტეტში გამოცდების ეროვნული ცენტრის წარმომადგენლები შეხვდნენ პროფესიული მიმართულებით დარეგისტრირებულ აპლიკანტებს.

შეხვედრა გახსნა გორის უნივერსიტეტის რექტორმა გიორგი სოსიაშვილმა და ადმინისტრაციის ხელმძღვანელმა გიორგი ხორბალაძემ, მათ ისაუბრეს პროფესიული განათლების მნიშვნელობაზე და აპლიკანტებს წარმატებები უსურვეს მომავალ გამოცდებზე.

გამოცდების ეროვნული ცენტრის წარმომადგენელმა, ქალბატონმა თამარ კაკუტიამ აპლიკანტებს გააცნო მომავალი გამოცდების განრიგი, თუ როგორ და სად ჩატარდება პროფესიული გამოცდა.

შეხვედრის ფაგლებში გორის უნივერსიტეტის პროფესიული პროგრამების ადმინისტრატორმა ლევან წიქარიძემ გააკეთა პრეზენტაცია პროფესიული პროგრამების შესახებ.

შეხვედრას ასევე ესწრებოდნენ კოლეჯ „განთიადის“ ადმინისტრაციის წარმომადგენლები.