2016 წლის 4 აპრილს გორის სახელმწიფო სასწავლო უნივერსიტეტში დაიწყო შეხვედრათა ციკლი: „საუბრები ქრისტიანობაზე“, რომელიც ტარდება წმ.სტეფანე აღმსარებლის კულტურულ-საგანმანათლებლო სახლ კენოზისისა და გორის სახელმწიფო სასწავლო უნივერსიტეტის ქართული კულტურის კვლევის ცენტრის ორგანიზებით. პირველი ლექცია წაიკითხა გორისა და ატენის ეპარქიის მოძღვარმა, მამა იოანემ, ლექციის თემა „რელიგია და ეთიკა“. საჯარო ლექცია დასრულდა დისკუსიით. ლექციას ესწრებოდნენ გორის უნივერსიტეტის რექტორი, პროფესორი გიორგი სოსიაშვილი, პროფესორ-მასწავლებლები და სტუდენტები.
შეხვედრები ჩატარდება ყოველი თვის პირველ ორშაბათს. შემდეგი შეხვედრა, გამომდინარე აღდგმომის დღესასწაულიდან ჩატარდება 11 მაისს,(ოთხშაბათს).