2019 წლის 12 აპრილს გორის სახელმწიფო სასწავლო უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტმა უმასპინძლა გორის მე-10 საჯარო სკოლის მოსწავლეებს (ქიმიის პედაგოგი ქ. სარაული).
ქიმიის აკადემიურმა დოქტორმა ე. წკრიალაშვილმა დაათვალიერებინა მოსწავლეებს ბიოლოგია - ქიმიის ლაბორატორია. მან აღნიშნა, რომ ქიმიის სწავლება უნდა ეყრდნობოდეს ქიმიურ ექსპერიმენტს, რომლის საშუალებითაც მოსწავლე თუ სტუდენტი იღებს ექსპერიმენტული მუშაობის ჩვევებს და აკეთებს სწორ დასკვნებს. ე. წკრიალაშვილმა მოსწავლეებს ჩაუტარა მცირე ექსპერიმენტები.
ღონისძიებას ესწრებოდნენ განათლების, ზუსტ და საბუნებისმეტყველო მეცნიერებათა ფაკულტეტის დეკანი, პროფესორი დ. ჩოჩიშვილი, ბიოლოგიის პროფესორი - ნ. გოგინაშვილი. სიტყვით გამოსვლისას მათ აღნიშნეს ღონისძიების მთავარი არსი - მოსწავლეთა დაინტერესება ქიმიისადმი, ექსპერიმენტული კვლევებისადმი, ხაზი გაუსვეს უნივერსიტეტისა და სკოლის დაახლოების მნიშვნელობას სწავლების დონის ამაღლებისათვის.