გორის სახელმწიფო უნივერსიტეტში, ამერიკის საელჩოს დაფინანსებით, გაიხსნა სოციალური ინკლუზიის ცენტრი, რომლის მიზანია გორის მუნიციპალიტეტში მცხოვრებ სსმ და შშმ მოსწავლეთა სოციალური ინკლუზია და მათი მშობლების მხარდაჭერა.
პროექტის ამოცანებია:

• გორის სახელმწიფო უნივერსიტეტის ბაზაზე შექმნას ადაპტირებული სივრცე, სადაც გაიმართება შშმ პირთა ინტეგრაციისთვის სხვადასხვა ღონისძიება თუ აქტივობა;
• გორის უნივერისტეტის ფსიქოლოგიის და განათლების მეცნიერების სტუდენტებისთვის შექმნას პრაქტიკული გამოცდილების შესაძლებლობა;
• დანერგოს შშმ ბავშვების მშობლების მხარდამჭერი სერვისები (მშობლებისთვის ფსიქოლოგიური მხარდაჭერის კაბინეტი);
• დაგეგმოს და განახორციელოს სოციალური ცნობიერების ამაღლების კამპანიები;
• იმუშაოს შშმ ბავშვების დამოუკიდებელი ცხოვრებისთვის საჭირო უნარებზე;
• იმუშაოს შშმ ბავშვების აკადემიურ უნარებზე;
• იმუშაოს შშმ ბავშვების ფსიქოემოციურ განვითარებაზე.

სოაციალური ცენტრი მუშაობს შაბათ-კვირას და ამ ეტაპზე პროექტში მონაწილეობს 70-მდე მოსწავლე.
მოსწავლეებს უტარდებათ გაკვეთილები შემდეგი მიმართულებით: არტთერაპია, მეტყველების თერაპია, ხელსაქმე და მუსიკა. ასევე მათთან აქტიურად მუშაობენ ფსიქოლოგები და სპეცმასწავლებლები.