12 ოქტომბერს, გორის უნივერსიტეტში "საქართველოს პოლიტიკის ინსტიტუტის" ორგანიზებით ჩატარდა სტუდენტების შეხვედრა ლიეტუვას ელჩთან, ბატონ გიედრიუს პუოჯუნასთან.
შეხვედრის მთავარი თემა იყო საქართველო-ევროკავშირის ურთიერთობები. მოხსენებები გააკეთეს "საქართველოს პოლიტიკის ინსტიტუტის" დირექტორმა, პროფესორმა კორნელი კაკაჩიამ და ლიეტუვას ელჩმა, ბატონმა გიედრიუს პუოჯუნასმა. სტუმრებს მიესალმა და მსგავსი ღონისძიებების მნიშვნელობაზე ისაუბრა გორის უნივერსიტეტის რექტორმა, პროფესორმა გიორგი სოსიაშვილმა.
შეხვედრა დისკუსიით დასრულდა.