9 ივნისს, გორის სახელმწიფო უნივერსიტეტში გაიმართა სტუდენტთა საგრანტო პროექტების გამარჯვებული პროექტის “ინტელექტუალური შეჯიბრებები და აქტივობები პრაქტიკული ინგლისური ენის გასაუმჯობესებლად” დახურვის ღონისძიება.
პროექტი განახორციელა სტუდენტთა საინიციატივო ჯგუფმა (მარიამ სადღობელაშვილი, ლიკა საზანდრიშვილი, ნინი ოქროპირიძე, სოფო თენაძე), ხელმძღვანელი - უცხო ენების ცენტრის ხელმძღვანელი, პროფესორი ედვარდ რაუპი.
შეხვედრაზე დამსწრეებს მიესალმნენ და შემდგომი წარმატებები უსურვეს გორის სახელმწიფო უნივერსიტეტის რექტორმა, პროფესორმა გიორგი სოსიაშვილმა და რექტორის მოადგილემ, პროფესორმა ალექსანდრე მღებრიშვილმა.
პროექტის მონაწილეებს გადაეცათ შესაბამისი სერტიფიკატები და ინგლისურენოვანი ლიტერატურა, ხოლო ინტელექტუალურ შეჯიბრებებში გამარჯვებული სტუდენტები დაჯილდოვდნენ წამახალისებელი პრიზებით.