2 ივნისს გორის სახელმწიფო სასწავლო უნივერსიტეტის ედუარდ რაუპის სახელობის ინგლისურენოვან ბიბლიოთეკაში უცხო ენების კათედრის ორგანიზებით ჩატარდა სტუდენტთა სასწავლო-სამეცნიერო სესია, სადაც მოხსენებით გამოვიდნენ სოციალურ მეცნიერებათა, ბიზნესისა და სამართალმცოდნეობის ფაკულტეტის სტუდენტები. პრეზენტაციები წარმოდგენილი იყო ინგლისურ ენაზე სამართლის, ტურიზმის, ფსიქოლოგიის, ჟურნალისტიკის და ბიზნესის ადმინისტრირების მიმართულებით.
გამარჯვებული სტუდენტები აშშ საელჩოსგან დასაჩუქრდნენ წიგნებით, რომელიც გადასცა გორის უნივერსიტეტში მოღვაწე ამერიკელმა პროფესორმა მელანი ბეიკერმა. ღონისძიების ყველა მონაწილეს გადაეცა სერთიფიკატი.